Usabal

Gaurkotasun Buletina Data: 08-07-2014




TXIRRINDULARIA: Mendiko txirringak udarako dira

TXIRRINDULARIA: Mendiko txirringak udarako dira

ITURRIA: Sportlife

Jo eta su izerditu gabe hobetzeko teknikak  

IGOERAK
Zenbait aholku beteta, igoerarik aldapatsuenetan malda guztietan lortu beharreko helburu bikoitza eskuratuko duzu: Trakzioa ez galtzea eta aurreko gurpila lurrean egotea.
Pedalei gorabeherarik gabe eragin, bat-batekorik gabe, kadentzia ertainean edo handian, hanken mugimendua etengabea izateko, homogeneoa izan behar duelako.  Ezinbestekoa da pisua aurreratuta egotea, zela muturrean jesarrita. 
Aukeratu martxa egokia. Horri esker, pedalei eragiteko 60 eta 90 bira bitartean lortu beharko duzu minutuko.
Mugimendu etengabea.
Pisua aurreratua.
Igoera luzeetan, 5 minuturik behin jarri zutik eta egin 15 eta 20 pedal bira oso zela gainean altxatuta zoazela. Horrek presioa arinduko dizu gluteoetan eta atseden emango gerrialdeari.
EZ jarri zutik malda oso handia bada eta lurra solte badago, atzeko gurpilaren itsaspena galdu eta gelditu egin beharko duzulako. 

HARRI ARTEAN IGOTZEA
Aldapa gaiztotuz gero, ahalegindu beharko dugu ibilbiderik egokienetik joaten, ahalik eta inertziarik handienari eutsita, oztopoak gainditzen laguntzen digulako.  Zuloei aurrera hartu behar diegu, gurpilak trabatuta ez geratzeko mailen artean, geure mugimenduak egokitu eta pisua lekuz aldaturik.
Ebaki ezazu buruan ibilbiderik erosoena.
Zuloa heldu aurretik altxa ezazu pixka bat aurrekoa.
Hurbiltzen denean, kendu pisua zelatik, trabatu gabe biraka jarraitzeko. 
Ez blokeatu besoak, utzi bizikletari aske samar mugitzen.
EZ utzi ipurdia etengabe itsatsita zelari, aurreneko mailak altxaraziko zaitu.   


GORANZKO KURBA ITXIA
Aurrenik, aukeratu ibilbidea, askotan aukera bat baino gehiago izango da (barrutik, kanpotik, hasieran barrutik eta gero kanpotik...) )
Heldu aurretik, jaitsi martxa bat.
Utzi ipurdia zelari itsatsita.
Kurbaren erpinean, eragin gogor pedalei, blokeaturik ez geratzeko.
Bizikleta ondo kontrola badezakezu, altxatu pixka bat aurreko gurpila, atzekoan trakzioa irabazteko pisua mugitzearen ondorioz.   

Ondo begiratzea, jarrera egokian egotea eta tentsiorik ez izatea, horra hor alde arin harritsu batetik jaisteko hiru kakoak.
Arin eskaneatu begiz, ibilbiderik leunena, oztoporik gabeena aukeratzeko. 
Erabili platerik handiena, kate gehiago hartzen du, hortaz, ez du koadroa hainbeste jotzen.
Jarri gorputza atzeratu xamar, baina gehiegi ez.
Frenoek abiadura kontrolatzen dute, baina, berriz, ez zaituzte seko geldiaraziko, eraman atzamar bat edo bi balazta heldulekuetan, arinago erantzuteko. 
Besoek motelgailuarena egiten dute.
Egokitu zure ibilgua lurrari. Batzuetan gorputza alde batera mugitu beharko duzu, bizik alderik egokiena zapaldu dezan.
EZ geratu zurtuta, ukondoak luzatuta, besoek berez duten moteltze gaitasuna galdu eta lesionatu ahal izateaz gain, bizikleta txarrago kontrolatuko zenuke.   

Ikasi bizkarra zaintzen
Esertzen zarenean bizkarra nola zaindu erakutsiko dizugu.

Zuzen esertzen ikasi bizkarreko mina ekiditeko. Oso erraza da gomendio hauek jarraituz gero: 
Aulkien bizkarraldeek atzeko muskulatura osoa erlaxatzera behartzen gaituzte eta bizkarrezurra flexionatu behar dugu, jarrera honetan orno arteko diskoa atzerantz bultzatua da nerbio zainen bati eraginez eta ondorioz mina sortuz.

Baloi baten gainean esertzen garenean, bi eragozpen aurkitzen ditugu egiatan abantailak direnak. Alde batetik, azalera ezegonkorra da eta honek zentzumen eta muskulu hartzaile talde gehiago aktibatzera behartuko gaitu, beraz, aktiboago egongo gara eta gure garuna adiago; bestalde, bizkarralderik ez egoteak bizkarrezurreko muskulatura zutitzailea  aktibatzera behartzen gaitu bizkarrezurra zuzen eta tenteago mantenduz.  

Gehiago itzuli