Usabal

Gaurkotasun Buletina Data: 08-07-2014




TRIATLOIA: Atleta izatetik triatleta izatera

TRIATLOIA: Atleta izatetik triatleta izatera

ITURRIA: Sportlife
Lasterketa pila egina zara dagoeneko eta ezin burutik kendu gauza berri batekin proba egitea: triatloia. Utzi bada pentsatzeari eta ekiozu behingoz. 

Hasteko berri ona dugu proba egin nahi duten atleta guztientzat, izan ere, triatloietan irabazle izateko erabakigarria gertatzen baita oinezko lasterketa, zuen puntu sendoa hain zuzen ere. Berri txarra, atal erabakigarri honetara iristeko bi oztopo gainditu beharko dituzuela: igeri egitea eta txirringan ibiltzea ahalik eta azkarren eta  gutxien nekatuz oinezko lasterketan zuen gaitasun osoa erabili ahal izateko. Baina kirolari ororen helburu naturala oztopoak gainditzeaz gain bere burua gainditzea da, beraz, ez dezagun mugei buruz hitz egiten denborarik gal eta hel diezaiegun hauek gainditzeko beharrezko baliabideei:  

Lasterkaria, uretara!!
Jakina da igeriketa teknikotasun handiko kirola dela eta garrantzitsua dela gaztaroan garatzea (12-18 urte) orduan baita uretara egokitzapena handiena, baina hau ez da triatloierako bidan oztopo gertatu behar. 

Has gaitezen beraz teknikarekin lanean. Jarraian zehazten dizkizugu zure crol teknika egokia izaten lagunduko dizuten 5 elementu. Gorputzaren kokapena. Gorputzak jarrera hidrodinamikoa hartu behar du: gorantz, luzatuta, lerrokatua, erlaxatua eta naturala. Horretarako, burua gorantz jarri eta begirada beherantz eta aurrerantz zuzendu behar da, enborra, aldakak eta hankak horizontalean, oinak mugitzen diren bitartean.  

Rolidoa.  Rolidoa gorputz ardatzaren 45º-ko biraketa da. Pertsona ez da ur gainean era lauan mugitzen, rolidoa egiten du, besoak uretatik kanpo berreskuratzea errazteko  funtzioa betetzen duena, trakzio sakona eta eraginkorra egin, burua altxa gabe naturalki arnasa hartu eta aurrera egiteari erresistentzia ekiditekoa. 

Besakadaren zikloa. Eskua aurreko aldean sartzen da buruaren zabaleran ukalondoaz. Une honetan, beste eskuak barneko ibilbidea bukatu eta izterraren goiko aldetik ateratzera doanean. Besoak beti aurkako puntuetan daude, honela, esku bat uretan sartzean bestea ateratzen ariko da. 
Ostikada. Ostikadak ez du indartsua izan behar, hanken mugimendua arina eta egonkortzailea izan behar du. Egokiena, besoen ziklo bakoitzeko lau ostikada litzateke. 

Arnasketa. Burua alde batera biratu arnasa hartzen, kontrako besoa guztiz luzatua dagoenean. Biratu burua igerilekuaren hondorantz arnasa botatzeko. Egokiena, arnasketa bi aldeetara lantzea da, hau da, hiru besakadako arnasa hartu edo tarteren batean gure “alde txarretik”.  
Gure aldizkarian gauza guztietarako erantzuna ematen dugunez, ziurrenik zure lehen igeriketa saioetan sentipen harraroak izango zenituen zure uretako egokitzapen prozesu berrian, hona hemen ba sentipen horietarako irtenbidea:

  • 1- Ez zara hankek flotarazteko gai, zure desplazamenduan pisugarria bezala dira. Horretarako ez da pull boy-a eta hegatsak bezalakorik, sentipen hori arintzen lagunduko dizute. Saia zaitez materialarekin eta gabeko saioak tartekatzen. 
  • 2- Mugitzeko besakada oso motzak eta maiztasun handikoak. Jaso gehiago ukalondoa, eraman uretan sartzen den eskua urrunago eta tiratu ahalik eta zabaltasun handienarekin. 
  • 3- Arnasketa koordinazio okerragatik itolarria. Erritmo lasaian igeri egin, gutxitik gehiagora eta bi aldetako arnasketa landu. 
  • 4- Gorputz enborrean eta lepoan tentsioa eta zurruntzea. Rolidoa ezinbestekoa da teknikaren hobekuntzarako, saia zaitez oinak zeharka egiten, alde bat eta bestea tartekatuz. 
  • 5- Mugikortasun eskasa eta sorbaldako artikulazioetan zurruntzea. Landu malgutasuna igeriketa saioaren aurretik eta ondoren. 

LASTERKARIA TXIRRINGA GAINEAN
Behin oinarrizko teknika menperatu duzunean, txirringa gaineko entrenamendua askoz ere errazagoa eta dibertigarriagoa egingo zaizu ( inoiz txirringan ibili ez bazara, hobe duzu mendikoarekin hastea). Txirringan oinezko lasterketan lantzen diren muskulu talde berberak lantzen dira, nahiz eta beheko gorputz adarren lanketa nabarmenagoa den (kuadrizepsak, barruko bastoa,iskiotibialak) eta “entrenamendu gurutzatuak” saio gutxian gure egoera kardiobaskularra lasterketatik txirrindularitzara aldatzen lagunduko digu. Gainera, gaur egun eta sprint proba eta proba olinpikoetan erabakigarria izatetik trantsizio papera betetzera pasa da taldeen osaketa eta “gurpilera” joateko aukera direla eta. Hala ere,  txirrindularitza oinarrizko erresistentzia lantzeko disziplinarik egokiena da, baita oinezko lasterketa entrenamendu zorrotzetatik “errekuperatzeko”, errodaje errazekin eta kolpe gabe. 

Gehiago itzuli