Usabal

Gaurkotasun Buletina Data: 09-10-2015




Muskulua kentzen duten elikagaiak: jan behar ez duzuna

Muskulua kentzen duten elikagaiak: jan behar ez duzuna

ITURRIA: Sportlife
Muskulua irabazteko orduan, jaten duzuna, jaten ez duzuna bezain garrantzitsua da. Hau bada zure helburua saihestu behar dituzunen zerrenda duzu hemen.

Muskulua irabazteko orduan, jaten duzuna, jaten ez duzuna bezain garrantzitsua da. Ni muskulua irabazteko orduan dieta entrenamendua baino garrantzitsuagoa dela pentsatzen dutenetakoa naiz, eta ahoa garaiz ixtea gakoa dela gimnasioan entrenatzen duzuna nabari dadin. Begien bistakoa dirudi, baina batek baino gehiagok orduak ematen ditu entrenatzen eta gero asteburuan gehiegi lasaitzen da lagunekin irteten denean edo atseden-eguna duenean. Horrela ez dira ia inoiz abdominalak ikusten.
 
  • Alkohola. Zure muskuluen etsai zuzena da. Karbohidrato itxurako kaloria hutsak dira soilik eta gibelera doazen alkoholak dira. Okerrena da alkoholak mantenugaiak, bitaminak eta zure muskuluetarako mineralak berreramaten duen prozesuak oztopatzen dituela eta  baita ‘errea’ izateko erreserba-koipea askatzen duten prozesu metabolikoeak ere eta askoz okerrago oraindik, alfer bilakatzen zaituztela. Zaila da entrenatzeko eta ondo jateko borondatea izatea ‘mozkorretik mozkorrera’ eta ‘biharamunekotik biharamunekora’ bazoaz.
  • Azukre zuria eta azukre finak. Karbohidratoak ez dira zure etsaiak muskulua irabazteko orduan, baldin eta karbohidrato "onak" aukeratzen badituzu, bereizten errazak diren elikagai naturalak eta gutxi prozesatuak direlako, frutak, barazkiak eta bihi osoko zerealak, tuberkuluak, etab. bezala, prozesatu gabeak eta ia aldatu gabeak egosketa arinagatik izan ezean. Azukre zuria da saihestu behar duzuna eta gozokietan, opiletan, ogian, gailetetan, pastan eta arroz zurian, eta modu izkutuan saltsetan, hestebeteetan eta prozesatutako janarian aurkitzen duzun irin fina.
  • Edari isotoniko edo indargarriak. Gimnasio eta kirolarientzat diseinatu baziren ere, azukre sinpleetan aberatsak dira. Kirol egoeratan hartu, edozein momentutan hartuz gero gantza irabaziko duzu. 
  • -Zuku eta frutak. Ez ontziratutako zukuak ezta etxean egindakoak ere ez dizu fruta freskoak adina propietate emango. Fruta freskoak karbohidrato eta zuntzean aberatsa izanik osaera mesedegarria du muskulua irabazi eta gantzak ez pilatzeko. 
  • Opil industrialak, gantz azido hidrogenatu edo trans motakoetan eta azukretan aberatsak. Azukre, irin fin eta gantz nahasketa pisua hartzeko paregabea da, baina ez muskulu moduan, gantz moduan baizik. 
  • Frijituak. Elikagai oso kalorikoak dira, askotan batere egoki ez diren gantzekin arrautzastatuak eta frijituak.  
  • Hestebete koipetsuak. Ondo aukeratzen ikasi. Hobe urdaiazpikoa, solomoa, zezina, lakoia bezalako kalitatezko hestebeteak, txerri haragi gaziturarekin eginak eta balio biologiko altuko proteínak, B taldeko bitaminak eta burdina, zinka eta selenioa bezalako mineralak ziurtatzen dituztenak. Ez ahaztu gantz zuriak kentzen balio kalorikoa gutxitzeko eta edan nahikoa ur  sodio ekarpenari aurre egiteko. 
  • Aperitibo gaziak eta txigortuak. Gaziak direnez asetzeko ahalmena galtzen dute, ez baduzu sinesten, egin aproba ea zenbat kakahuete natural, etxean zuritzen dituzunetakoak, jan ditzakezun eta konparatu txigortutako zenbat jan ditzakezun, ziur naturaletako gutxiago jaten dituzula. Baina egin aproba kakahuete xigortu eta eztidunekin, ziurrenik poltsa bukatu harte ezin izango zara gelditu, horrek adierazten dizu mendekotasuna sortzen duen osagairen bat duela, jaten jarraitu nahi izatea egiten dizuna lehertu beharrean bazaude ere. Horrela pisua irabazten da gantz moduan, muskulurik ez. 
  • Izozki eta postreak. Muskulua irabazteko, postreak ez du garrantzirik izaten, sentitzen dut gozozalea bazara. Proteinan aberatsak diren aukerak bilatu behar dira, azukre gabeko flana edo gazur-proteina hauts opiltsoak, etab., jan ondoren gozoz puztea ekiditeko. 
Zergatik argaltzen da hain bizkor karbohidratoak debekatzen diren proteinadun dietekin?
Erantzun sinplea deshidratazioagatik da, ez da pisu erreal galera. Karbohidratorik gabeko proteinadun dieta hasten baduzu, gimnasioan ohikoa den  hegalabur eta oilaskoarena edo Dukan-enaren modukoa, ohikoa da bolumen asko galtzea  lehen astean, baina erraz berreskuratuko dituzu berriro ere karbohidratoak jaten badituzu. Azalpena, karbohidratoak muskuluetan glukogeno  moduan gordetzen direla da, muskuluetan 3 edo 4 aldiz ur gehiago metatzen da. Karbohidratoak ezabatzen baidutzu, muskuluak deshidratazio sinpleagatik ‘argaltzen’  edo ‘husten’ dira, ez da erreala.

Gehiago itzuli