Usabal

Gaurkotasun Buletina Data: 09-07-2018




Benetan mantendu ahal dezakezu 180 pauso minutuko erritmoa korri egitean?

Benetan mantendu ahal dezakezu 180 pauso minutuko erritmoa korri egitean?

ITURRIA: Sportlife
Frekuentzia eta urrats luzerari buruzko hausnarketa bat.

Korrikalari afizionatuei gehien sortzen zaien galderetako bat urrats luzerari ingurukoa da. Orokorrean 180 pauso minutuko frekuentzia gomendatzen da. Hau da korrikalari profesionalek mantentzen duten frekuentzia iraupen erdiko lasterketatik hasita (1500 metrokoak) maratoia bitarte. 

Efizientzia eta esfortzu aurrezpena dela eta, 3 minutu kilometroko abiadura daramaten eliteko korrikalariek 180 eta 190 bitarteko pauso minutuko frekuentzia mantentzen dute 42,195 kilometroetan zehar. Badira  korrikalari afizionatuak zeinen abiadura 5 minutu kilometrokoa edo motelagoa den, beraien berezko erritmoa 150-160 pauso minutukoa izanik gehienez. Batzuek, eliteko atleten irizpideak jarraituz, 180 pauso minutuko markara iritsi nahi dute nola edo hala, beraien lasterketa teknika egokiagoa eta efizienteagoa izango dela sinesten dutelarik.

180 pauso minutuko erritmoa erreferentzia bezala ematen den arren, errealitatean ez frekuentziak ezta urrats luzerak ere ez dute teknika aldatzen, guztiz kontrakoa gertatzen delarik. Dugun teknikak gure frekuentzia eta urrats luzera ekarriko ditu. Lehiaketa profesionaletan, parte-hartzaileen gehiengoak antzeko ezaugarri antropometrikoak ditu; korrikalari afizionatuen munduaren errealitatean, ordea, alde handiak aurkitu daitezke pisuan, ehun elastikoaren kantitate eta kalitatean, palanken luzeran, etab. Honek pertsona bakoitzaren urrats frekuentzia baldintzatuko du. Korrikalari batzuei frekuentzia handiago batek ekarriko die esfortzu aurrezpena, eta beste batzuei urrats luzerak.

Hala eta guztiz ere, gomendagarria izan daiteke beti ere asimilazio ariketak sartzea teknikaren kontzientzia hartu ahal izateko eta frekuentzia handitzeko hau helburua balitz. Zure entrenamenduetan zehar honako ariketak egin ditzakezu:
  • 50-60 metroko serie azkarrak, oinaren erdiko aldea dela kontaktatu eta gorputza bultzatzen duena sentituz. 
  • Orpoa gluteorantz eraman serie batzuetan zehar.
  • Ukondoekin atzerantz tiratu modu indartsu batean besoei eragiterakoan.
  • Oso egokia den beste ariketa bat eskailerak binaka igotzea da, izan ere urrats luzeak egitera behartzeaz gain, bultzada keinua areagotzeari atentzioa handitzea ekarriko du.

Gehiago itzuli