Gaurkotasun Buletina Data: 09-11-2016
Sei hitzaldi eta bisita ‘Ezagutu zure hiria’ ekimenarekin, Arma Plaza Fundazioaren eskutik
Ostegun eta larunbat honetan Rosa Arburuak Bidasoako kontrabandoari buruz hitz egingo du.
Bertan dugu berriz ere “Ezagutu zuren hiria – Conoce tu ciudad’ ekimena, ARMA PLAZA Fundazioaren eskutik. Udazkeneko eta neguko hilabeteei begira, hilabete bakoitzeko lehenengo ostegunean eta larunbatean gai baten inguruko hitzaldia eta bisita gidatua izango dira, hurrenez hurren. Aurkezpena Arma Plaza eraikinean bertan izan da, Kalixa Silanes Kultur zinegotzi eta ARMA PLAZA Fundazioaren lehendakariordearen eskutik.
‘Ezagutu zure hiria – Conoce tu ciudad’ hiritar guztiei zuzendutako ekimena da, eta helburua gure hiriko alderdi historikoak ezagutaraztea du. Programan gai baten inguruko hitzaldia ematen da aditu baten eskutik, eta bisita gidatua egiten da horri buruz” esan du Silanesek.
Etzi, osteguna, hasiko da, eta 2017ko martxoan amaituko da. Hilabete bakoitzean hitzaldi bat izango da ARMA PLAZAn (2. solairuan) eta bisita bat egingo da. Bisitarako topagunea ere ARMA PLAZA izango da.
Lehenengo gaia “Kontrabandoa Bidasoan” izango da, eta Rosa Arburuak emango du, Filosofian eta Hezkuntza Zientzietan doktore eta EHUko irakaslea denak. Hitzaldia ostegunean izango da 19.00etan ARMA PLAZAn, eta bisita larunbatean 11:30ean, biak ere euskaraz.
"Oraingo honetan 6 hitzaldietatik hiru euskaraz izango dira eta beste hirurak gaztelaniaz. Gainera, hizlarietako bik bikain ezagutzen dute hiria, bertan bizi baitira, hain zuzen ere Rosa Arburuak eta Ernesto Goiricelayak. “Ekitaldi honetan, ARMA PLAZA Fundazioan buru-belarri ari gara hiritarrei gai erakargarriak eta bisita gidatu berriak eskaintzeko; horien berri ematen joango gara” amaitu du esanez Silanesek.
Aurretik izen emateko, ARMA PLAZA eraikinean. 943 64 36 77 / info@armaplaza.eus
Programa 2016 - 2017
2016
Azaroa, Gaia: Espigones, Ramón Iribarren.
Ernesto Goiricelaya, Hondarribiko historia gaiari buruzko ikerlaria. Artikulu asko idatzi ditu hiriari buruz.
Osteguna, azaroak 17, 19:00etan, hitzaldia. GAZTELANIAZ.
Larunbata, azaroak 19, 11:30ean, bisita gidatua. GAZTELANIAZ
Abendua, Gaia; Búnkeres
Juan Antonio Sáez, Historian doktorea eta gotorleku garaikideetan aditua .
Osteguna, abenduak 15, 19:00etan, Hitzaldia. GAZTELANIAZ
Larunbata, abenduak 17, 11:30ean. Bisita gidatua. GAZTELANIAZ
2017
Urtarrila, Gaia: Jaitzubiako padurak
Plaiaundi Parke Ekologikoko Teknikariak
Osteguna, urtarrilak 12, 19:00etan. Hitzaldia EUSKARAZ
Larunbata, urtarrilak 14, 11:30ean. Bisita gidatua. EUSKARAZ
Otsaila, Gaia: José Ignacio Etxenagusia
Monserrat Fornells, Katedratikoa Artearen Historian.
Osteguna, otsailak 9, 19:00etan. Hitzaldia GAZTELANIAZ
Larunbata, otsailak 11, 11:30ean. Bisita gidatua. GAZTELANIAZ
Martxoa, Gaia: Pilota jokoa Hondarribian
Daniel Carballo, Irakasle – ikerlaria EHUko arkitektura eta Ingeniaritza Eskoletan. Koordinatzailea “Pilota jokoa gune historikoetan” izeneko tailerrean, EHUko Ondarea Zaharberritzeko Masterrean.
Osteguna, martxoak 16, 19:00eatn. Hitzaldia. EUSKARAZ
Larunbata, martxoak 18, 11:30ean Bisita gidatua. EUSKARAZ
itzuli
Buletinan harpidetza egin
Publizitatu nahi duzu hemen?