Usabal

Gaurkotasun Buletina Data: 09-06-2015




Korrikalarientzako gelak

Korrikalarientzako gelak

ITURRIA: Sportlife
Zer eduki behar dute korrikalarientzako gelek eta noiz hartu behar dira gelok?

Gelak aukera ezin hobea dira edozein probatan edota entrenamenduetan elikatzeko. Karbohidrato egokiak dauzkate, erraz xurgatzen dira eta erabili nahi dituzunean, ez duzu borrokan egin behar bilgarriarekin. Orduro 30-60 g karbohidrato erantsi behar dituzula kontuan hartuta, erabiltzen duzun gelak zenbat karbohidrato dauzkan eta zenbat behar dituzun jakiteko, bilgarrian begiratzea besterik ez daukazu. Denek eduki bera dute, hau da, gluzemia-indize handiko karbohidratoak: maltodextrina, glukosa, sakarosa, dextrosa, glukosa-jarabea edota amilopektina. Horrez gain, eduki ditzake B taldeko bitaminak, aminoazidoak (amiarginina, taurina edo adarkatuak), antioxidatzaileak eta mineralak.

Osagai horiek guztiek iraupen luzeko, ertaineko eta ultrairaupeneko probetarako balio dute. Baina maratoian edo ultrairaupenean parte hartzen baduzu, komenigarria litzateke fruktosa eranstea edukian, zeren,  gluzemia-indize txikikoa izaki, energia mailakatuago ematen baitu. Distantzia laburreko proba bada, hau da, 5 edo 10 km edo maratoi-erdia, estimulatzaile gisa kafeina daukan gel bat aukera dezakezu.

Gelok hartzen dituzunean, beti urarekin hartu behar duzu. Karbohidratoek ura behar dute egoki asimilatzeko eta metabolizatzeko. Gelak hartzen dituzunean uda edan beharrean, karbohidratoak dauzkaten edari isotonikoak hartzen badituzu, deshidratazioa erraztu dezakezu, zeren gorputzak muskuluetatik hartuko baitu ura.

Debekatuta daude lasterketa hasi baino ordubete lehenago. Gluzemia-indize handiko karbohidratoa denez, korrikan hasi baino ordubete lehenago hartzen baduzu, hipogluzemia izateko arriskua duzu errebote-efektuaren eraginez, zeren, odolean glukosa-kopuruaren igoera detektatzen bada, asimilatzeko beharko den intsulinaren muturreko neurria oso handia izango baita. Gero, beherakada etorriko litzateke, eta hori lasterketaren hasieran gertatzen bada, zureak egin du. Behin martxan hasiz gero, arriskurik ez dago: katekolaminak (adrenalina, noradrenalina, dopamina) eta hormonak (glukagoia) jariatzen dira. Horrez gain, intsulinaren produkzioa inhibitu egiten da eta, hortaz, errebote hipogluzemikoa izateko arriskua desagertu egiten da; gainera, urdaila ondo husten bada, muskuluek azkar hartuko dute glukosa. Hala zioen  den Clyde Williams doktoreak, nutrizioak errendimendu fisikoan duen eragina ikertu duen Kirol Zientzietako irakasleak:
“Nutrizio egokiak ez du asteburuko kirolaria txapeldun bihurtuko, baina nutrizio desegokiak txapelduna asteburuko kirolari bihurtuko du .”


Gehiago itzuli