ITURRIA: Sportlife

Esaguzu nolakoa den zure lasterketa zikloa eta zure markak zeintzuk diren azalduko dizugu. Korrika egiteko garaian diferentzia markatu dezaketen bi estilo daude. Hemen azaltzen dizugu pixka bat zure lasterketako teknika eta diziplina hobetzeko kontuan hartu behar duzuna.

Aspaldi uste zen iraupen-lasterkariarentzako lasterketa teknika egokiena geroko ziklokoa zela eta abiadura-lasterkarientzako aurreko ziklokoa, baina ikusi da hori ez dela horrela eta aurreko zikloan korrika egitea beti dela eraginkorragoa, efikazagoa, ekonomikoagoa eta arinagoa geroko zikloan edozein abiaduratan baino. Egia dena da distantzia motzetan alde horiek nabarmenagoak direla fondo handikoetan baino, neke falta dela eta.

Nahiz eta itxuraz aurreko zikloan korrika egiteak kaltegarriagoa dirudien, inplikazio muskular handiagoa baitu, kontua da geroko zikloan korrika egiten duten haiek arrisku handiagoa dutela lesioak izateko. Izan ere, atzeratuta geratzen den hanka librearen akzioak oinaren talka areagotzen du, hain justu aurreko zikloan korrika egiten dutenei gertatzen zaien aurkakoa. Horiek pisuaren zati bat askatzen dute talkaren momentuan, aske dagoen hanka aurreratuta baitago eta gorantz zuzentzen baita.

Graba zaitez korrika egiten alboko perspektiba batetik. Ondoren, gelditu irudia grabitate-zentroak (gorputzaren pisua) hankaren metatartsoa gainditzen duenean, eta arretaz begiratu ea aske duzun hankako belauna atzetik duzun. Kasu horretan, geroko lasterketa ziklo bat izango duzu, edota aurretik badago, aurreko lasterketa ziklo bat izango duzu. Era berean, zure bultzada amaitzen deneko irudia aurkitu eta izterrek osatzen duten angelua neur dezakezu lasterketa ziklo batean edo bestean korrika egiten ari zarela ziurtatzeko. 

Gure lasterketa zikloa aurrekora aldatu nahi badugu hankaren botea edo erreaktibotasuna handitu behar dugu. Horrek aske dugun hankako belauna azkarrago eta esfortzu gutxiagorekin gorantz zuzentzea eragingo du.

Erreaktibotasun hori zehazten duten berezko faktoreak daude, hankaren zurruntasuna eta elastikotasuna eta Akilesen tendoia, kasu, aireratzean balezta efektu bat errazten dutenak, korrikalaria aurrerantz katapultatuz. Baina, noski, landu ere egin daiteke. Jauzi anitzek, lasterketako teknikak, gomekin lan egiteak, eskailerek, lastek, eta abar hankaren botea hobe dezakete.

Aurreko zikloko lasterketa mota bat nabarmentzeko beste modu bat izango da aldakako tolestaileak oso tonifikatuak izatea, batik bat, muskulu abdominalak; horrela, oinkada bakoitzean belauna aurrerantz eta gorantz eramatea kosta ez dadin.

Ondoren, geroko zikloko lasterketa estilo bat finka dezazun egin daitezkeen askotariko ariketen artean batzuen sorta bat erakusten dizugu.

Propiozepzio ariketak. Propiozepzioa atsedenean edo mugimenduan dagoenean gure gorputzaz dugun pertzepzioa da eta orekarekin, koordinazioarekin eta nerbio-sistema zentralaren erantzun ahalmenarekin estuki lotuta dago. Gaitasun horren entrenamenduak jada azpimarratu ditugun parametro horietan hobetzeaz gain, lesioak saihestea ere ahalbidetuko digu.

Jauzi anitzak. Jauzi anitzek lana oso interesgarria da goiko trena indartzeko eta potentzia eta nekearekiko erresistentzia lantzeko. Helburu nagusia, hasiera batean uste izan daitekeenaren aurka,  ez da altuago salto egitea, baizik eta hanken kontaktua lurzoruan minimora gutxitzea eta gimnasiotik pasatu gabe indarra irabaztea ahalbidetuko digun jauzi jarraituen segida batean arreta jartzea.

Lasterketa- teknika ariketak. Teknika ona erritmo kontua ere bada. Lasterketa abiadura eta horrek eskatzen digun esfortzu edo gastu energetikoaren arteko oreka puntua aurkitzean datza. Esfortzua izugarri handitzen da gure oinkada frekuentzia altuegia edo baxuegia bada. Herri-lasterkari batek  minutuko 170 eta 180 urrats minutu arteko oinkada frekuentzia izan behar du. Gure oinkadari hobetzen lagunduko diogu ariketa multzo batzuekin.

Abdominalak tonifikatzeko ariketak. Enborreko muskuluen prestaketa espezifiko batek gure indar muskularra hobetuko du, baina horrez gain egokitzapenak sortuko dira maila neuromuskularrean, koordinazio eta eraginkortasun mekanikoa hobetzen dituztenak. Horretarako balio du abdominalen lanak, ezinbestekoa korrikalariarentzat.