Usabal

Gaurkotasun Buletina Data: 08-05-2017




Zergatik hasi behar litzatekeen korrikalaria gomekin indarra egiten?

Zergatik hasi behar litzatekeen korrikalaria gomekin indarra egiten?

ITURRIA: Sportlife
Chema Martinez handiak gure runner entrenamenduari gomak gehitzeko zergatiak ematen dizkigu. Gera zaitez ariketekin eta zure lasterketa entrenamenduan onurak nabarituko dituzu laster!.

Chemak dioen moduan, gizona eta emakumea ez dira soilik korrika egitetik bizi!Indarra ezinbesteko lana da korrikalariarentzat. Izan ere, lasterketak uztea edo sentitzen dugun gehiegizko nekea kasuen %90ean neke muskularra dela eta sortzen da eta ez bihotz eta arnas gaitasun faltagatik. Neke muskular hori saihesteko gakoa muskulatura indartzea da eta Chemak gomena bezalako baliabide erraz bat proposatzen digu hasteko. Prest zaudete?

Korrikalari hasiberriekin lan egiten hasteko modu bikain bat gomak erabiltzea da. Erresistentzia maila desberdinekin saltzen dituzte, hobetzen duzun heinean eboluzionatzen joan zaitezen. Horiekin muskulatura guztia landu ahalko duzu eta hasiera on bat izango da indarraren munduan.

Hasi ariketa hauekin. Kontuan hartu gomen abantaila handienetako bat dela gu garela ariketaren eredua eta intentsitatea ezartzen dugunak, tentsio maila handiagoa edo txikiagoa aplikatuz. 
1. Bizepsak indartzea, jarri bi oinak gomaren gainean eta egin tira gorantz bi besoekin aldi berean. 15 errepikapen. 
2. Trapezioak, aurreko ariketan bezala, baina besoen posizioa aldatzen dugu eta ukondoetatik gorantz tiratzen dugu. 15 errepikapen.
3. Trizepsak, besoak bizkarrean dituzula, eutsi goma ukalondoen eta lunbarren artean eta egin tira. 15 errepikapen. 
4. Eserialdia, lotu goma zuhaitz baten inguruan eta eutsi ezazu eskuekin eserialdia egiten duzun bitartean. 15 errepikapenekin nahikoa eta gehiegi izango dira. 
5. Oinak, lurrean eserita, hankak luzatuta ondorengo ariketak egingo ditugu: 
  • Behatzen flexioak gorantz eta beherantz. 15 errepikapen oin bakoitzarekin. 
  • Errotazioak barrurantz, eskua hankaren kanpoko aldean eta belaunetik zertxobait aldenduta duzula. 15 errepikapen oin bakoitzarekin. Errotazioak kanporantz ere egin ditzakegu. 15 errepikapen oin bakoitzarekin.
  • Oinaren makurdura eta hedatzea. Aurreko ariketan bezala, baina jada oin guztia tolestuz. 15 errepikapen bakoitzarekin. 
  • Eszentrikoa lantzeko egin trakzioak oinbularrarekin, horretarako, bilatu norbait goma eusteko edo lotu ezazu zuhaitz batera. 15 errepikapen.
Hor dituzue indar ariketak, orain gauzatu egin behar dituzue! Hau da Sport Life-n apirileko alean aurki dezakezuen artikuluetako bat, bertsio digitalean edo kioskoetan idatzizko bertsioan duzuena. Ez ezazu gal! Hil honetan, gainera, korrikalarientzako entrenamendu planen gidarekin dator!.

Gehiago itzuli