Gaurkotasun Buletina Data: 13-09-2018
Mendateak hobeto igotzeko 5 gomendio
ITURRIA: Sportlife
Txirrindularitzan igoerak dira txirrindularien artean alde handienak ikusten diren uneak, halere, hainbat gomendio jarraituz haiek eramangarriago bihur litezke, eta azkarrago igotzea ere lor liteke.
Ez zaitez erritmo azkar batekin hasi
Hasieran malda igotzea ez zaigu hain gogor eta zail suertatzen, ez dugu oraindik neke handirik sumatzen eta emozioak gain hartuz gero azkarregi abia gaitezke. Halere, askoz hobe da malda lasai igotzen hastea, energia gordetzea, eta mendatearen amaiera iristear dela ikusten dugun heinean abiadura pixkanaka bizkortzea, erritmo konstantea mantenduz, uzkurdura muskularrak ekidinez.
Pultsometroa erreferentziatzat erabiltzea ongi da, baina betiere beste hainbat aldagai kontuan hartuz
Esfortzu proba bat egin eta zurea talase anaerobikoa zein aerobikoa ezagutzen baldin badituzu ere, bihotz-taupadak orientagarriak baino ez dira, egun bat baino gehiago irauten duten ibilbide horietan batez ere. Halatan, kontuan izan hirugarren egunean zure pultsazioak lehenbiziko eguneko berdinak ez direla izango, hirugarren egunerako nekeak ziurrenik pisu handia izango baitu jada. Halako kasuetan, nekea nagusi den kasuetan, alegia, teorikoki bihotz-taupada kopuru hobeezina den horren azpitik mantentzen ahalegindu zaitez maldak igotzeko garaian.
Zure arnasketari kaso egiozu, baita hautemandako esfortzuari ere
Igoera egokiena erosotasuna eta esfortzua ongi tartekatzen dituena da, bien arteko puntua aurkitzea da egokiena. Puntu hori desberdina izango da igoera motaren arabera. Igoera luzeetan adibidez, zure arnasketak sakona eta erritmikoa behar du izan, azalekoa eta azkarra bihurtzen baldin bada, azkar zoazenaren seinale da. Hautemandako esfortzu mailak 10etik 6koa edo 7koa behar du izan mendate luzeetan, eta 10etik 7koa edo 8koa luzera arrunteko mendateetan.
Hanka bizkorrak
Ez dago oinpekoei eragiterakoan guztientzat egokia den erritmorik, baina hura motelegia baldin bada, giharrak eta artikulazioak gehiegi kargatuko zaizkizu, eta hura azkarregia baldin bada, berriz, zure bihotz-taupadak eta arnasketa gehiegi bizkortuko dira. Zure erritmoa topa ezazu, minutuko 70 eta 80 oinpeko bitartean egokiena, eta erritmoa kontrolatzen ez baldin baduzu, hura moteltzen joango da kilometroak egiten dituzun heinean. Zure erritmoa konstante mantentzen ahalegindu zaitez nekearekin hura gehiegi jeitsi ez dadin.
Garapen egokia eraman ezazu
Garapenak, zorionez, arrazionalizatu egin dira denborarekin. Orain dela 20 urte ohikoa zen nahasketa leunena bailitzan 42 x 45 batekin igotzea, orain compact platerrei eta kaseteetan koroa handiak eramateari esker, mendateak igotzea errazagoa da. Ez itzazu txirrindulari profesionalen garapenak kopiatu, haien oinpekoei eragiteko era kopia ezazu. Erritmo altua mantentzea baldin bada zure helburua, plater hirukoitza ipini iezaiozu bizikletari inongo arazorik gabe.
itzuli
Buletinan harpidetza egin
Publizitatu nahi duzu hemen?