Usabal

Gaurkotasun Buletina Data: 08-10-2018




Zure entrenamenduaren intentsitatearen arabera jan beharko zenukeena

Zure entrenamenduaren intentsitatearen arabera jan beharko zenukeena

ITURRIA: Sportlife
¿Arroz entsalada edo ahuakateak? Egun zehatz horretarako prestatua duzun entrenamenduaren arabera moldatu beharko zenuke menua. Zure entrenamenduaren intentsitatearen arabera zure gorputzak  berehalako osagaien proportzio desberdinak kontsumituko ditu, eta hori kontuan hartzea gomendagarria da. 

Intentsitate oso baxua (zure gehienekoaren % 60a edo % 65a erabiltzen duzunean): Zure giharrek nagusiki gantzak kontsumituko dituzte, karbono-hidrato kopuru txiki bat ere kontsumituz. Zure gorputzak badu ekarpen gehigarri bat behar ez izateko adina gantz. Gainera, gantz kopuru baxuekin ere energia handia lortzen dugu. Hori dela eta, gantz dosiak gehigarri bezala hartzeak ez du inongo zentzurik. Halere ongi hidratatzea komeni da eta ez da gure elikadura zertan aldatu.

-Erdi mailako intentsitatea (% 70etik % 75era): Kasu honetan ere gorputzak nagusiki gantzak kontsumituko ditu nahiz eta karbono-hidrato kontsumoa intentsitate baxuan baina handiagoa izan. Edari energetikoren bat edatea komenigarria da eginiko esfortzua konpentsatzeko eta ez da gure ohiko elikadura aldatzeko beharrik.

- ( % 70 - % 78) bitarteko intentsitatea: Intentsitate honetan karbono-hidratoak kontsumituko dituzu batez ere. Zure entrenamendu saioa amaitzean zure giharretan galdutako glukogenoa birjarriko du gorputzak pixkanaka, entrenamendua igaro ondoreneko ordubete bakoitzeko erretako kalorien % 5a birjarriz gutxi gora-behera. Karbono-hidrato asko dituzten elikagaiak jatea beharrezkoa da haien xurgatzea ahalbidetzeko, eta horrez gain, entrenamendu saioa amaitu ondoren karbono-hidrato kopuru osagarri bat ere sartzea komenigarria da, edari energetikoren bat edanez, adibidez.

- Intentsitate oso altua (% 85erainokoa): Kontsumitzen denaren ia % 100a karbonohidratoak izango dira, horiek gantzak baino errazago erabiltzen baititu gorputzak. Glukogeno gordekinak berriro betetzea zaila da, prozesu motela baita. Karbono-hidratoak ugariki kontsumitzea gomendatzen da, eta baita proteina kopuru handi bat ere, horren bidez gihar-katabolismoa ekiditea lortuz. Karbono-hidratoetan aberatsak diren edariak kontsumitzea komeni da, eta baita aminoazido gehigarriak hartzea ere. Entrenamendu saioa amaitzean karbono-hidrato asko hartzea gomendatzen da.

Gehiago itzuli