Obesitatea eta gehiegizko pisua gero eta handiagoa den arazoan bihurtu dira gure gizartean eta Estudio Aladinoren ikerketaren datuen arabera, Espainiako haurren %20ari eragiten dio. Obesitateak pertsonen arteko harremanari eta txikien auto-estimuari eragiten dio, ariketa egitean nekea eta min artikularra sortzen dizkie. Gainera, helduaroan obesitatea, diabetesa eta bihotzeko arazoak pairatzea eragiten du.

Beraz, gehiegizko pisua duen seme-alaba baduzu  ziurrenik dietan jartzea egokia den galdetuko diozu zure buruari … erantzuna ezezkoa da. Adin honetan (edozein adinetan, egia esan) ez da gomendagarria epe mugagabean dieta egitea, haurrak elikadura eta ariketa fisiko ohitura egokiak hartu ditzan bultzatzea baizik.

Edozein kasutan , pediatrari galdetu behar diozu, baina ez legoke gaizki hemendik aurrera Sonia Cibrianek, mediQuoko elikaduran adituak, emandako aholkuak jarraitzea: 

Produktu fresko eta sasoikoetan oinarritutako dieta. Etxean produktu ultra-prozesatu edo gehitutako gehiegizko azukrea duten produktu gehiegi egotea ekidin. Ordezka itzazu freskagarriak eta azukredun edariak uragatik.  

Familiarekin bazkaldu. Mahaian helduekin esertzeak, haurrek ohitura osasungarriak ikasi eta obesitate arriskua gutxitzen du.

Kirola astean hainbat aldiz. Jarduera fisikoa bere egunerokotasunean integratzeak bizitza estilo osasungarria mantentzen eta gehiegizko pisua eta obesitatearen arriskua gutxitzen lagunduko die, bai orain bai etorkizunean.

Pantailei zuzendutako denbora kontrolatu. Haurrak pantailaren aurrean gero eta denbora gehiago pasa, epe ertain-luzean sedentarioa izateko arrisku gehiago egongo da. Telebista ikusten jaten badu, jaten duenaren kontzientzia galtzen du, eta ez da ase noiz dagoen antzemateko gai izango.