Gaurkotasun Buletina Data: 14-07-2019
Gelak trialonean, bai edo ez?
ITURRIA: Sportlife
Gelak noiz hartu energia gehigarria lortzeko urdaileko arazorik izan gabe.
Galderari dagokion erantzuna argumentatzerakoan, lehiaketa aurreko otordua nolakoa izan den kontuan hartzea garrantzitsua iruditzen zait, distantzia olinpikoko triatloi baten aurretik edo honen zehar energia hartzeko beharra edo ez baloratzeko. Badakizue aurreko otordua, bai gosaria edo bai bazkaria izan, lehiaketa baino 3 ordu lehenago burutu behar dela eta gantz eta zuntz gutxikoa eta indize gluzemiko baxuko karbohidrato konplexuetan aberatsa izan behar duela eta gainera, proteinak izan behar ditu.
Irteera baino ordu bete lehenago gorputz pisuaren kilogramoko 1 g Karbohidrato dituen edari bat har daiteke edo gel energetiko bat eta ura edan.
Gel honek kafeina izan dezakeen galdetzen duzunez, erantzuna baiezkoa da, horretara ohituta bazaude eta ongi onartzen baduzu. Txirrindularitzako partzialean zehar, batez ere ibilbide gogorra bada, hidratatzeko aprobetxatzeaz gain, sodiodun karbohidrato sinpleak eta konplexuak dituen prestatu energetikoa hartu behar duzu, edo gel bat hartu eta ura edan edo botilatxo batean disolbatuta eraman.
Lehiaketan erabiliko duzun estrategia aurretik entrenamenduetan probatu behar izan duzu, nola digeritzen duzun baloratzeko eta zure digestio aparatuak eta “zure zangoek” nola erantzuten duten. Printzipioz, eta hala baieztatzen dute ikerketa zientifiko askok*, jakina da hartzen duzun edo zure botilatxoan urarekin nahasten duzun gelak sodioa izateak, edariaren zaporea hobetzeaz gain, urdailean glukosaren xurgatzea kitzikatzen duela eta bere konbinazioak uraren xurgatzea hobetzen duela.
Izan ere, badira karbohidrato sinple eta konplexuak, aminoazidoak, antioxidatzaileak eta elektrolitoak konbintatzen dituzten gelak, produktuaren 40 g-ko 100 mg sodio izanik. Eta kafeinari buruz, Elikagaien Segurtasuneko Europar Agintaritzak(EFSA) berriki adierazi du ariketa baino ordu bete lehenago kafeina 3-4 mg/pisu kg-ko dosian hartzeak erresistentziaren errendimendua gehitzen duela eta sumatutako esfortzuaren maila gutxitzen duela.
Hala ere, pertsonek modu ezberdinean erantzuten diete kafeinaren ondorioei eta bere metabolizazioari, horregatik azpimarratzen dut lehiaketa aurretik probatu behar duzula. Gelei buruz orokorrean, Australiako Kirolaren Institutuak urarekin hartzea gomendatzen du, glukosa kantitatea diluitu eta xurgatze hidrikoa eta urdail-hesteetako tolerantzia handitzen duena. Eta lehiaketako baldintza antzekoetan gelen ahorakin protokolo indibidualizatua entrenatzea aholkatzen dute, ahaleginaren bizitasuna eta iraupenaren arabera, ondo toleratzen duzun dosia arautzeko. Gelak pedalei eragiten zaien bitartean karbohidratoak hartzeko baliabide erraza eta azkarra dira, baita kafeina gehigarri bat izateko. Hainbat ikerlanek berresten dutenez, urarekin elkartuta muskuluan karbohidratoen askatze eta oxidazio patroi eraginkorrago bat ematen dutela, aukera ona bihurtuz (Pfeiffer et col 2010).
itzuli
Buletinan harpidetza egin
Publizitatu nahi duzu hemen?