Usabal

Gaurkotasun Buletina Data: 09-10-2019




Maratoia: akats ohikoenak entrenatzeko orduan

Maratoia: akats ohikoenak entrenatzeko orduan

ITURRIA: Sportlife
Hauek dira maratoi bat prestatzeko orduan entrenamenduetan egiten diren akatsik ohikoenak: ez itzazu zuk egin!.

“Maratoiak prestatzen” dituzten korrikalari amateurren artean oso maiz errepikatzen diren akatsak dira. Gehiengoa ekidin daitezke.
Artikulu hau egun kioskoetan aurkitu daitekeen Sport Life aldizkariaren abuztuko alearen aurrerapen bat da. Inprimatzeko bertsioa hemen eskuratu dezakezu, eta hemen bertsio digitala. 

EZ ZAITEZ PAZIENTZIA GUTXIKOA IZAN
Maratoia prestatzen duen korrikalariaren lehendabiziko akatsa pazientzia eza da, eta hau beste askoren sorburua da. Giltza presarik ez izatea eta oso poliki hastea da. 

KILOMETRO GEHIEGI KORRI EGITEA AKATSIK OHIKOENA ETA EPE LUZERA KALTEGARRIENA DA
Kilometro gutxiegi egitea gehiegi egitea baino hobea da.

KORRIKA SAIO LUZEEGIAK EGITEA
Maratoiko korrikalari afizionatuen artean oso ohikoa den beste akats bat. Honek, mesede baino, kalte gehiago egiten du, izan ere muskuluetan indar asko galtzen duzu eta gibela asetzen duzu.

LUZATZE- ARIKETAK EZ EGITEAK LESIOAK ERAGITEN DITU
Entrenamendu bakoitzaren ondoren luzatze- ariketak egitea funtsezkoa da.

GUTXI JATEAK ERRENDIMENDU TXIKIAGO BAT DAKAR
Askotariko dieta oso baten bitartez ondo elikatu eta hidratatu behar gara.

INTENTSITATE HANDIKO SAIOAK
Esperientzia gutxi duten eta indarreko lan base on bat gabe dauden korrikalarientzat intentsitate handiko saioek beharrezkoa ez den gainkarga bat ekartzen dute, mesede baino, kalte gehiago egiten duena.

INDAR- LANAREN GABEZIA
Pisuekin edo gomekin egiten den lana maratoi korrikalarien prestakuntzan nabarmenki falta den zerbait da, eta paradoxikoki, beraien prestakuntzaren giltza da. Ezerosoak eta aspergarriak gerta litezke, baina epe ertain eta luzean arrakasta izateko ziurtasun handiena eskaintzen dute. Muskuluen indarra eta erresistentzia izugarri hobetzen laguntzen dute, eta honekin batera gainerako oinarrizko ezaugarri fisikoak, eta korrikalariek izaten dituzten lesio ohikoenak ekiditeko modurik hoberena dira.

ABDOMENA EZ LANTZEA
Abdominalak korrikalarien beste puntu ahul bat dira. Hauek indartzea beharrezkoa da indarrak orekatzeko, eta bizkar eta abduktoretan gainkargak zein lesio mingarriak ekiditeko.

ONDO EZ HIDRATATZEA
Entrenatzeko garaian hidratazio faltak kontrakturen arrisku handiagoa dakar, eta entrenamendua gutxiago asimilatzen da, izan ere odola lodiago dago eta muskuluak ez horren elastikoak.

MINAREKIN KORRI EGITEA
Minarekin modu jarraituan korri egiteak gauza bat bakarrik dakar: mindutako gorputz-atalean lesio kroniko bat. Eta lau edo bost egun ez gelditzeak hilabete bat edo gehiago gelditzea suposatu dezake.

PROFESIONALENTZAT PENTSATUTAKO ZAPATILAK ERABILTZEA
Batzuen ustetan, oso azkarrak diren zapatilekin lehiatzean, eliteko korrikalariek egiten duten moduan, beraien markak hobetuko dituztela, baina honela azkarrago gainkargatzea eta muskularki lehenago nekatzea lortzen dute soilik.

MARATOIAREN AURREKO EGUNEAN ZUTIK DENBORA GEHIEGI PASATZEA
Muskuluak gehiegi gainkargatuko dira beharrik gabe.

SUFRITZEA ETA ENTRENATZEA EZ DIRA ZERTAN SINONIMOAK IZAN BEHAR
Sufritzea eta entrenatzea sinonimoak direla uste baduzu, oso oker zaude. Entrenamenduak gehiago egin dezakezunaren sentsazioarekin amaitzea litzateke ideala. Mina eta molestia desberdindu behar dituzu; mina arriskutsua da beti, izan ere lesioaren aurreko pausoa da.

Gehiago itzuli