Gaurkotasun Buletina Data: 13-07-2020
Benetako ogi artisaua eta naturala ezagutzeko 7 trikimailuak
ITURRIA: Sportlife
Nola saihestu ogia erostean ziria sartzea.
Ez dago ogia baino mediterraneoagorik, eta, bazkaltzeko garaian Espainiako mahai batean ere falta ez den ondasuna izan arren, ez dugu beti modu egokian aukeratzen. Artisau-ogia osagai naturalak, kalitatekoak, lana eta pazientzia behar dituen lanaren emaitza da. Horren ondorioz, ogia errazago digeritzen da, denbora gehiago irauten du fresko eta osasungarriagoa eta aberatsagoa da.
Leon the Baker (www.leonthebaker.com), ogia maite dutenen “GABE” eta EKO prestaleku gogokoenak, on line eta off line saltzen duenak, ogi ona bereizteko trikimailu guztiak ematen dizkigu eta ziria ez diezaguten sar.
1. Artisau ogiak ez du forma perfektua izan behar.
Artisau-okindegi batean, okinak bakarka egiten du pieza bakoitza, ogi bat ez da bestea bezalakoa, industriakoak baino ez dira berdinak, makinaz eginak.
2. Ez fidatu mami zuriegiaz.
Mamia zenbat eta zuriagoa izan, orduan eta okerragoa da ogia, irin fin-fin batekin egina baitago eta ez baita batere osasungarria, elikagai asko galdu baititu. Gainera, mamia txikle baten antzera luzatzen bada, prozesu industrialen bidez egindako ogi baten aurrean gaude, eta hartzidura azkarra izan du.
3. Ogi onak egun batzuk irauten ditu fresko.
Hurrengo egunean ogia gogorra eta lehorra badago, industriala da. Eskuz egindako ogi batek egun gehiago iraun dezake freskoa eta harroa oihalezko zapi batean bilduta edukiz gero.
4. Ogi natural eta artisauak pisatzen du.
Ogi astuna digeritzeko zailagoa dela dirudien arren, kontrakoa gertatzen da. Ogi industrialek 20 gramo besterik ez dute pisatzen; artisau batek, berriz, hirukoiztu egin dezake pisu hori.
5. Azal kurruskaria.
Ogi ona azal nabarragatik bereizten da, ogi industrialarena baino lodiagoa eta oso kurruskaria delako. Gainera, propietate horiei eutsi behar die ogia fresko dagoen bitartean.
6. Ogi onak usain eta zapore bereizgarriak ditu.
Begien bistakoa dirudien arren, usainik ez badu, hain usain gozoa eragiten duten azido organikoak garatzeko behar adina denbora ez duela eman esan nahi du. Ogi onak soro, hazi zaporea du... masa amaren eta irinaren usaina. Ogi industrialak beti zapore bera du.
7. Artisau-ogi batek digestio ona egingo du.
Gure urdailak modu naturalean egindako ogia bereizten jakingo du, masa amarekin, hartzidura pausatuarekin, irin onekin... Gainera, nutrizio-propietate guztiak emango dizkigu, koiperik gabeak eta indize gluzemiko txikikoak. Izan ere, hau da gutizia honen beste mito faltsuetako bat, ogiak, neurri batean, ez du gizentzen.
itzuli
Buletinan harpidetza egin
Publizitatu nahi duzu hemen?