Gipuzkoako Foru Aldundiko Bide Azpiegituretako Departamentuak jakinarazi duenez, Lurgorriko eremuaren atzekaldean erlaitzaren garbiketa lanak egiten hasiko dira. Aldundiaren asmoa, ikerketa topografiko eta geotekniko bat burutzea da, datu zehatzak eskuetan edukita ondorengo urratsak eman ahal izateko. Ondorioz, maiatzaren 27tik ekainak 5 arte, segurtasun neurriak direla eta, Lurgorri atzeko aparkalekuan ezingo dira autoak aparkatu, erlaitzaren garbiketa lanak (begetazioa eta zuhaixkak kentzea) Higerreko Itsasargira doan errepidetik egingo direlako, eta bazpadaere arriskuak ekiditeko.