Gaurkotasun Buletina Data: 16-01-2018
Inauterietako kartel lehiaketa deitu du Udaleko Kultura Departamentuak
Entregatzeko urtarrilaren 17, 18 eta 19an egin behar da BAZen.
Hondarribiko Udaleko Kultura Sailak 2018ko Inauterietako kartel lehiaketa antolatu du, non edozein pertsonak parte hartu ahal izango duen. Erabiliko duten teknika librea izango da: margoa, marrazkia, kollage, etab., lanek derrigorrez jatorrizkoak izan beharko dute.
Kartelen neurria 70 x 50 zmtakoa eta bertikala izango da eta neurri hauek betetzen ez dituzten lanak ez dira lehiaketarako onartuak izango.
Karteletan derrigorrez ondoko lema azalduko da: "HONDARRIBIA - INAUTERIAK 2018". Sailkatutako lehen kartelari 450,00 €ko saria emango zaio, eta bera izango da 2018ko Inauteriak iragartzeko erabiliko dena. Lanak BAZen entregatuko dira urtarrilaren 17, 18 eta 19an, goizeko 9:00etatik 13:30era eta 16:00etatik 18:00tara.
Lanak jendaurrean jarriko dira urtarrilaren 29tik otsailaren 11era (biak barne), ARMA PLAZAn.