Gaurkotasun Buletina Data: 09-05-2020
Hondarribiko merkatariei zuzendutako ikastaro digitala antolatu du Udalak astelehenean saltokiak irekitzen direnerako
Datorren astelehenean, Hondarribiko Udalak ‘Prestatu zure denda berriz irekitzeko’ ikastaro digitala antolatu du herriko merkatariei begira. Arratsaldeko 17:30ean izango da Celestino Martinez retail marketinean espezializatutako aholkulari eta hizlariaren eskutik.
“Konfinamenduaren amaieraren zain gauden bitartean, datozen hilabeteetan aurre egin beharko diogun krisiaren tamainari buruzko aurreikuspenak iristen ari dira” esan du Maria Serrano Udaleko Sustapen Ekonomikorako eta Merkataritza zinegotziak.
“Merkatariak ahal dutena egiten ari dira bezeroak berreskuratzeko eta dendak merkatuaren errealitate berrira egokitzeko. Erreferenterik gabe, zaila da normaltasun berri hori nolakoa izango den aurreratzea eta ibilbide-orri bat eraikitzea”.
“Horregatik, ‘Prestatu zure denda berriz irekitzeko’ ikastaro edo ‘webinar’ bat antolatu da. Celestino Martínez izango da irakaslea. Webinarraren edukien, erronkei nola aurre egin, hobekuntza-ekintzak diseinatzeko gakoak eta gomendioak ezagutuko dira. Zoom plataformaren bidez egingo da ikastaroa” gehitu du Serranok.
Izenematea Bidasoa Biziriken web gunean egin beharko da:
https://www.bidasoa-activa.com/es/component/content/article/17-destacados-de-la-pagina-de-inicio/855-formacion-hondarribia
itzuli
Buletinan harpidetza egin
Publizitatu nahi duzu hemen?